Өнгөрсөн 7 хоногт Ховд аймгийн нутаг дэвсгэрт нийт зам тээврийн осол болон зөрчлийн шинжтэй 68 гомдол мэдээлэл бүртгэгдсэн байна.
Үүнээс согтуугаар тээврийн хэрэгсэл жолоодсон 32, эрхийн үнэмлэхгүй тээврийн хэрэгсэл жолоодсон 26, зам тээврийн ослын шинжтэй 6, давтан согтуугаар тээврийн хэрэгсэл жолоодсон 2 гомдол мэдээлэл тус тус бүртгэгдсэн тухай Ховд аймгийн цагдаагийн газрын замын цагдаагийн тасгийн зохицуулагч, ахлах дэслэгч Б.Бямбадорж мэдээллээ.
Урин дулаан цаг ирж байгаатай холбоотой замын хөдөлгөөнд мотоциклтой хөдөлгөөн нэмэгдэж байгаа учир эцэг эхчүүд хүүхдэдээ хараа хяналт тавьж байхыг анхаарууллаа.
Мөн эрхийн үнэмлэхгүй тээврийн хэрэгсэл жолоодох зөрчлийн гол холбогдогч нь насанд хүрээгүй хүүхэд болж байгаа талаар албаны эх сурвалж онцлов.
Иймд согтуугаар болон эрхийн үнэмлэхгүй тээврийн хэрэгсэл жолоодож өөртөө болон өрөөл бусдад эрсдэл учруулахгүй байхыг анхаарууллаа.
Мэдээ бэлтгэсэн: Н.Түмэндэмбэрэл, М.Булган
Хариулт (0 )