Аймгийн засаг дарга Э.Болормаа 2023 оны 1 сарын 19-22-ны өдрүүдэд болох “Invest Khovd forum”, “Мөнгөлөг шагшуурга” цас мөсний баярын талаар мэдээлэл хийлээ. Энэ үеэр түүнээс аймаг орон нутагт тулгамдаж буй хэд хэдэн асуудлын хүрээнд тодруулж хариулт авлаа. Иргэдийн өмнө тулгамдсаар ирсэн асуудлын нэг нь газар олголтын асуудал юм. Аймгийн засаг дарга Э.Болормаа хэлэхдээ газрын асуудлыг шийднэ. Иргэн бүр хуулийн дагуу 0.7 га газраа авах ёстой. Одоогийн байдлаар Жаргалант суманд 4000 гаруй иргэний өргөдөл хүлээгдэж байна. Тэдний газар олголтын асуудлыг эхний ээлжинд шийд гэдэг чиглэлийг өгсөн, иргэдийн амьдралын чанарыг сайжруулах нэг асуудал нь газар юм. Миний хувьд Ховд аймгийн бүх газаргүй иргэдэд газрыг нь олгоно гэсэн зорилт тавьж байна гэлээ. Хэрэв газар олголтын асуудлыг бүрэн шийдчихвэл энэ нь иргэдийн амьдралд бодит хөрөнгө оруулалт болох юм. 2022.12.27
Хариулт (0 )