Туркменистан Улсын Ерөнхийлөгч Сердар Бердымухамедовт өнөөдөр Монгол улсад төрийн айлчлал хийж байна. Түүнтэй Монгол улсын их хурлын дарга Д.Амарбаясгалан уулзлаа.
Монгол Улс, Туркменистан Улс хооронд 1992 онд дипломат харилцаа тогтоосноос хойш Туркменистаны Ерөнхийлөгчийн түвшинд хэрэгжиж буй энэхүү анхны төрийн айлчлал нь түүхэн хэлхээ холбоотой ард түмний найрамдал, нөхөрлөлийг бэхжүүлж, 2 улсын найрсаг харилцаа, хамтын ажиллагааг өргөжүүлэн хөгжүүлэхэд чухал ач холбогдолтой юм.
Мөн УИХ болон Туркменистаны Межлис хооронд хэлхээ холбоо тогтоох, хамтын ажиллагааг хөгжүүлж, цаашид Монгол, Туркменистаны найрамдлын бүлэг, Байнгын хороод, Тамгын газар хоорондын хамтын ажиллагааг бэхжүүлэхэд анхаарч ажиллах зэрэг хэд хэдэн чухал асуудлаар санал бодлоо хуваалцсан байна.
Туркменистан Улсын Ерөнхийлөгч Сердар Бердымухамедов 2 талын харилцааны эрх зүйн үндэс бэхжиж буйг тодотгож, 2 улсын найрсаг харилцааг бэхжүүлэх, худалдаа, эдийн засгийн хамтын ажиллагааг өргөжүүлэн хөгжүүлэх, залуучууд, эмэгтэйчүүдийн харилцаа холбоог гүнзгийрүүлэх саналтай байгаагаа энэ үеэр илэрхийлжээ.
Хариулт (0 )